Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның құрамы жаңартылды

Қазақстан Республикасы Президентінің 2025 жылғы 26 мамырдағы № 893 Жарлығымен Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның жаңартылған құрамы бекітілді.

Комиссия құрамына азаматтық сектордың, ғылыми қоғамдастықтың, үкіметтік емес ұйымдардың өкілдері, сондай-ақ құқық, медицина, психология, гендерлік және отбасылық саясат саласындағы практик мамандар кірді. Комиссяи өз саласында айтарлықтай тәжірибесі бар 8 мүшеге толықты.

Жаңартылған құрам жұмысының мақсаты отбасын қолдау, гендерлік теңдік, әйелдер мен балалардың құқықтарын қорғау саласындағы мемлекеттік саясатты дамыту және ілгерілету, сондай-ақ ведомствоаралық өзара іс-қимылға, сараптамалық талдауға және тиімді әлеуметтік бастамаларды енгізуге ықпал ету болып қала береді.

Жаңа құрамды қалыптастыру сектораралық ынтымақтастықты күшейтуге және қазақстандық қоғамның іргелі құндылықтары — отбасы, әйелдер құқығын қорғау және өскелең ұрпақтың болашағын қозғайтын шешімдер қабылдауға кең қоғамдық қатысуды қамтамасыз етуге арналған.

Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның

ҚҰРАМЫ

Ұлттық комиссия құрамы

Қазақстан Республикасы Президентінің жанындағы Ұлттық комиссия құрамы

Т.А.Ә.	Қызметі
Балаева Аида Ғалымқызы	Қазақстан Республикасының Мәдениет және ақпарат министрі, төраға
Ысқақова Жұлдызай Амангелдіқызы	Сенат Төрағасының кеңесшісі, саясаттанушы, PhD, төрағаның орынбасары (келісім бойынша)
Сүлеймен Ләззат Жаңылыскызы	«Парламентаризм институты» РМК директорының орынбасары, төрағаның орынбасары (келісім бойынша)
Тарасенко Елена Ивановна	Қоғам қайраткері, төрағаның орынбасары (келісім бойынша)
Омарова Айман Мұратқызы	Адвокат, құқық қорғаушы, Ұлттық құрылтай мүшесі, төрағаның орынбасары (келісім бойынша)
Нұрахметова Гаухар Сердалықызы	Гендерлік және отбасылық саясат саласындағы сарапшы, хатшы (келісім бойынша)
Әбдірахманова Алина Бауыржанқызы	«Қазақ-Америка университеті» ЖШС директоры (келісім бойынша)
Адиева Альфия Даулетқалиқызы	«Samruk-Kazyna Trust» корпоративтік қорының бас директоры (келісім бойынша)
Байдашева Жанна Аманқызы	«Шетелдік инвесторлардың қазақстандық кеңесі» қауымдастығы өкілдігінің директоры (келісім бойынша)
Байсақова Зульфия Мұхамедбекқызы	«Дағдарыс орталықтары одағы» ЗТБ басқарма төрайымы (келісім бойынша)
Гребенникова Галина Александровна	«Қазақстан жыныстық және репродуктивті денсаулық қауымдастығы (ҚМҚА)» қоғамдық бірлестігінің атқарушы директоры, отбасын жоспарлау, жасөспірімдер мен жастар денсаулығын сақтау саласының жоғары санатты дәрігері, сарапшы (келісім бойынша)
Гурина Марианна Юрьевна	«Ұлағатты жанұя» қоғамдық қорының президенті (келісім бойынша)
Даулетбаева Жұлдыз Жетпісбайқызы	Социология ғылымдарының кандидаты, ҚР Президенті жанындағы Мемлекеттік басқару академиясының профессоры (келісім бойынша)
Жанғазинова Назым Жәнібекқызы	Медиакоммуникациялар саласының сарапшысы, «NazymPR» ЖШС директоры (келісім бойынша)
Жандосова Баян Айтбекқызы	«Қазақстан әйелдерінің республикалық кеңесі» ҚБ филиалы – «Шымкент қалалық әйелдер кеңесі» ҚБ төрайымы (келісім бойынша)
Зулхаиров Ренат Вазирович	ҚР Ішкі істер министрлігінің Құқықтық және нормашығармашылық үйлестіру департаментінің бастығы (келісім бойынша)
Имашева Снежанна Валерьевна	ҚР Парламенті Мәжілісінің Заңнама және сот-құқықтық реформа комитетінің төрайымы (келісім бойынша)
Каримова Эльмира Рашитовна	«КМГ Инжиниринг» ЖШС кадр мәселелері жөніндегі басқарушы директоры (келісім бойынша)
Каринова Шолпан Таңатқызы	«AMANAT» партиясы ҚБ хатшысы, партияның әйелдер қанатының төрайымы (келісім бойынша)
Қажыбаева Раушан Жаңабергенқызы	ҚР Президенті Іс басқармасына қарасты «Қазақстан Республикасы Президентінің Телерадиокешені» РМК директоры (келісім бойынша)
Қалтаева Ләззат Молдабекқызы	ҚР Парламенті Сенаты Төрағасының кеңесшісі, Сенат жанындағы Инклюзия жөніндегі кеңестің төрайымы (келісім бойынша)
Қанай Гүлмира Әмірханқызы	«Қазақ ұлттық қыздар педагогикалық университеті» КЕАҚ басқарма төрайымы – ректоры (келісім бойынша)
Қарабасова Лаура Шапайқызы	«Қ.Жұбанов атындағы Ақтөбе өңірлік университеті» КЕАҚ басқарма төрайымы – ректоры (келісім бойынша)
Қожалы Тоғжан Бақытжанқызы	Қоғам қайраткері, «HAQ» қоғамдық қайырымдылық қорының құрылтайшысы (келісім бойынша)
Ли Елена Эдуардовна	«Dolce» ЖШС құрылтайшысы (келісім бойынша)
Миронюк Татьяна Александровна	«Ұлттық еріктілер желісі» ЗТБ нысанындағы қауымдастықтың атқарушы директоры (келісім бойынша)
Сарсенбаева Әйгерім Арыстанбекқызы	Жамбыл облысы әкімі жанындағы Әйелдер істері және отбасылық-демографиялық саясат жөніндегі комиссияның мүшесі (келісім бойынша)
Семидоцких Елена Александровна	Кәсіпкер, «СҚО Орыс қауымы» ҚБ төрайымы, СҚО бойынша отбасы және гендерлік мәселелер жөніндегі уәкіл (келісім бойынша)
Сүлейменова Жұлдыз Досбергенқызы	ҚР Парламенті Мәжілісінің депутаты (келісім бойынша)
Тасбергенова Гаухар Қошкарбекқызы	«Рухани Қазына» қоғамдық қорының жетекшісі (келісім бойынша)
Хангелдина Сұңкар Қосманапқызы	Жоғары санатты дәрігер, ҚР денсаулық сақтау үздігі, MBA магистрі, блогер (келісім бойынша)
Хасенов Муслим Ханатович	М.С. Нәрікбаев атындағы KAZGUU университетінің қауымдастырылған профессоры, халықаралық құқықтық мәселелер жөніндегі сарапшы (келісім бойынша)
Шанаи Нәзипа Ыдырысқызы	Қазақстан халқы Ассамблеясы Аналар кеңесінің төрағасы (келісім бойынша)
Шөжеева Әзиза Тимурқызы	Кәсіпкер, «Techno Woman» коммерциялық емес ұйымының басқарма төрайымы (келісім бойынша)